Bugun shahar hokimligi majlislar zalida bo‘lib o‘tgan yig‘ilishda O‘zbekiston mahallalari uyushmasi boshqarma boshlig‘i Hotamjon Ketmonov, O‘zbekiston mahallalari uyushmasi Farg‘ona viloyati boshqarmasi boshlig‘i o‘rinbosari, shahar hokimligi, shahardagi tegishli korxona va tashkilot rahbarlari, nuroniylar kengashi hamda mahalla fuqarolar yig‘inlari raislari ishtirok etdilar. Yig‘ilishda tashkiliy masala ko‘rib chiqildi. O‘zbekiston mahallalari uyushmasi Farg‘ona viloyati boshqarmasining 2024-yil 7-aprel kungi tegishli buyrug‘iga ko‘ra, Abduraxmonov Zaylobidin Buvajonovich O‘zbekiston mahallalari uyushmalari Quvasoy shahar bo‘limi boshlig‘i etib tayinlanganligi jamoatchilikka ma’lum qilindi. 2024-yil 1-fevraldan buyon mazkur lavozimda faoliyati yuritib kelgan Dadaboyev Ikromjon Aliyorovich o‘z ixtiyoriga ko‘ra lavozimidan ozod etilgan.