Oltiariq Sanoat texnikumi direktori boshchiligida bir guruh talaba yoshlar Katput qishlog‘ida joylashgan Chegara qo‘shinlarining harbiy qismiga sayohat qildilar.
Harbiylar hayoti bilan yaqindan tanishib, muddatli xizmat burchini o‘tayotgan askarlar ishtirokida qizg‘in suhbat o‘tkazdilar.
Harbiy texnika va qurollardan chaqqonlik bilan foydalanayotgan Vatan himoyachilari talaba yoshlarning havasini uyg‘otdi. Hech shubhasiz talaba yigitlarning aksariyatida harbiy xizmatga borish va armiya safida yurtni himoya qilish ishtiyoqi paydo bo‘ldi.