isrofgarchilikka qarshi

Oltiariq tuman Chordara MFY faollari, nuroniylar hamda ko‘chaboshilar ishtirokida milliy va diniy marosimlarda me‘yoriylikka amal qilish bo‘yicha muhokama yig‘ilishi o‘tkazildi.
Unda asosan aholi tomonidan o‘tkazilayotgan har qanday marosimlarni tartibga solish, isrofgarchilik va turlicha bid‘atlarga yo‘l qo‘ymaslik haqida fikr yuritildi.
Keraksiz sarf-xarajatlar o‘rniga inson salomatligi, yoshlarning ilm olishi hamda oilalarning turmush madaniyatini yuksaltirish masalalariga e‘tibor qaratish zarurligi ta‘kidlandi.
Mahalla nuroniylari va yoshlar bir bo‘lib, shu maqsadda jamoatchilik nazoratini yo‘lga qo‘yishga kelishib olindi.