Олтиариқ туманида "Марказлашган оқава сув" тармоқларини қуриш бўйича Осиё тараққиёт банки иштирокидаги "Иқлим ўзгаришига мослашган сув таъминоти ва канализация тизимини яратиш" лойиҳасига киришилди.
Туман ҳокимлиги, туман Сувтаъминот корхонаси, экология ва бошқа даҳлдор ташкилот вакиллар ҳамда маҳалла раислари иштирокида мазкур лойиҳа доирасида тақдимот ўтказилди.
Дастлабки қиймати 270 млн долларни ташкил қилаётган лойиҳани амалга ошириш муддати 2025-2029 йилларга мўлжалланган. Туман маркази учун суткасига 6,5 минг метр куб оқава сув тозалаш иншооати, 67,5 км оқава сув тармоқлари янгидан қурилади. “Ўзсувтаъминот” АЖ томонидан лойиҳани молиялаштириш учун Осиё тараққиёт банки томонидан 270 млн долл. жалб қилиш бўйича дастлабки келишувга эришилди.

https://t.me/oltiariqtumanihokimligi