bolalar uchun "Mehr nuri" maskani tashkil etildi

O‘zbekiston Respublikasi Prezidentining «Nogironligi bo‘lgan bolalarga ijtimoiy xizmat va yordam ko‘rsatish tizimini yanada takomillashtirish bo‘yicha qo‘shimcha chora-tadbirlar to‘g‘risida»gi qarori ijrosini ta‘minlash maqsadida Oltiariq tuman "Inson" ijtimoiy xizmatlar markazi tomonidan davlat-xususiy sheriklik asosida 3 yoshdan 18 yoshgacha nogironligi bo‘lgan bolalar uchun kunduzgi parvarish xizmati tashkil etildi.
Oltiariq tuman hokimi Sh.Turdaliev, "Nuroniy" jamg‘armasi tuman bo‘linmasi rahbari K.Parmonov hamda bir guruh faollar birgalikda Mustaqilligimizning 34 yillik bayrami arafasida faoliyat boshlagan mazkur maskanda bo‘ldilar.
"Mehr nuri" nomli kunduzgi parvarishlash maskanida nogironligi bo‘lgan bolalar uchun yaratilgan sharoitlar bilan tanishdilar. Tarbiyachi-mutaxassislar va ota-onalar bilan suhbat davomida yurtimizda ijtimoiy himoya borasida amalga oshirilayotgan ishlar xususida fikr yuritildi.