Mamlakatimizda fuqarolar murojaatlarini joyida hal etish, ochiq muloqotni mustahkamlash maqsadida Farg‘ona shahar hokimligi mas’ullari Lolazor, Bobur, Abdulla Qodiriy, O‘zbekiston va Istiqbol mahallalarida istiqomat qiluvchi fuqarolar uchun sayyor qabul o‘tkazdi.

Qabul davomida aholining ijtimoiy yordam, uy-joy, maktabgacha ta’lim, elektr va gaz ta’minoti hamda ko‘p kvartirali uylar boshqaruvi bo‘yicha 40 ga yaqin murojaati tinglanib, muammolar joyida o‘rganildi.

Ayrim masalalar bo‘yicha amaliy yechimlar ishlab chiqilib, tegishli mutasaddilarga aniq topshiriqlar berildi.

Fuqarolar bilan bunday ochiq uchrashuvlar kelgusida ham davom ettiriladi.