1. Bosh sahifa
2. Yangiliklar

XAYIT BAYRAMI MUNOSABATI BILAN SAHOVAT TADBIRLARI O’TKAZILMOQDA

×

Oltiariq tumani hokimligi, "Inson" ijtimoiy xizmatlar markazi hamda Mahalla uyushmasi tomonidan joylarda muborak Ramazon oyi va Xayt bayrami arafasida ko’plab insonlarning ko’ngillarini shod etish, moddiy va ma'naviy qo’llab-quvvatlash maqsadidagi tadbirlar o’tkazilmoqda.

Xususan, ota-ona mehridan maxrum bo’lgan bolalar, voyaga yetmagan yoshlarning bir guruhi bayram arafasida yo’qlanib, "bir piyola choy" tashkil etildi. Yoshlar bilan birgalikda savdo rastalarini aylanib, o’zlari yoqtirgan ko’rinishdagi kiyim-kechaklar hamda kitoblar xarid qilindi.

Tuman hokimi Shamsiddin Turdaliyev bolalarni Xayit bayrami bilan tabriklab, o’qish va ishlarida muvaffaqiyat tiladi.

Bayram sovg’asidan mamnun bo’lgan yigit-qizlar tuman hokimi hamda tadbir tashkilotchilariga minnatdorchilik bildirishdi.

Oltiariq tuman hokimligi axborot xizmati.