1. Бош сахифа
2. Янгиликлар

ХАЙИТ БАЙРАМИ МУНОСАБАТИ БИЛАН САҲОВАТ ТАДБИРЛАРИ ЎТКАЗИЛМОҚДА

×

Олтиариқ тумани ҳокимлиги, "Инсон" ижтимоий хизматлар маркази ҳамда Маҳалла уюшмаси томонидан жойларда муборак Рамазон ойи ва Хайт байрами арафасида кўплаб инсонларнинг кўнгилларини шод этиш, моддий ва маънавий қўллаб-қувватлаш мақсадидаги тадбирлар ўтказилмоқда.

Хусусан, ота-она меҳридан махрум бўлган болалар, вояга етмаган ёшларнинг бир гуруҳи байрам арафасида йўқланиб, "бир пиёла чой" ташкил этилди. Ёшлар билан биргаликда савдо расталарини айланиб, ўзлари ёқтирган кўринишдаги кийим-кечаклар ҳамда китоблар харид қилинди.

Туман ҳокими Шамсиддин Турдалиев болаларни Хайит байрами билан табриклаб, ўқиш ва ишларида муваффақият тилади.

Байрам совғасидан мамнун бўлган йигит-қизлар туман ҳокими ҳамда тадбир ташкилотчиларига миннатдорчилик билдиришди.

Олтиариқ туман ҳокимлиги ахборот хизмати.