Куни-кеча Ватанимиз Мустақиллигининг 34 йиллиги арафасида Юртбошимиз томонидан олтиариқлик олти нафар юртдошларимиз юксак Давлат мукофотлари билан тақдирланган эдилар.
Бугун Президентимизнинг Фармони билан яна бир Олтиариқ вакили, таълим фидойиси, жамоат фаоли Хамиджон Раҳимов "Ўзбекистон Республикаси Халқ ўқитувчиси" унвони билан тақдирланди.
Эрта тонгда туман ҳокими Шамисиддин Турдалиев бошчилигида туман фаоллари, педагог-устозлар, нуронийлар ва ёшлар иштирокида домлани қутлаш учун у киши фаолият юритаётган таълим масканига ташриф буюрдилар.

Олтиариқ туман ҳокимлиги Ахборот хизмати.