“Kitobxonlik haftaligi” doirasida Buvayda tuman Axborot-kutubxona markaziga turli tashkilotlar rahbarlari, homiylar va faol kitobxonlar tomonidan kitob sovg‘alari topshirilmoqda. Ushbu ezgu tashabbus orqali kutubxona fondi yanada boyitilib, kitobxonlar uchun yangi bilim manbalari yaratilib bormoqda. Jumladan, tuman hokimi o‘rinbosari G‘.Mamajonov, Maktabgacha va maktab ta’limi bo‘limi rahbari Rano Asqarova, 7-umumta’lim maktabi jamoasi tomonidan kutubxona fondiga jami 60 nusxadagi turli janrdagi adabiyotlar sovg‘a qilindi. Buvayda tuman Axborot-kutubxona markazi jamoasi kitob hadya etgan barcha tashkilot va homiylarga samimiy minnatdorchilik bildiradi. Ushbu tashabbuslar nafaqat kitob fondini boyitadi, balki yosh avlodda kitobga mehr uyg‘otish, ma’naviy tarbiya va intellektual rivojlanishga xizmat qiladi.