Unda Qo‘qon shahar, Beshariq, O‘zbekiston, Furqat, Dang‘ara, Uchko‘prik, Buvayda va Bag‘dod tumanlaridagi mingdan ziyod ishsiz yoshlar ishtirok etdi. Yoshlar dastlab mazkur sanoat zonasidagi ishlab chiqarish korxonalari faoliyati bilan tanishdilar. Sayohat davomida kasb-hunar o‘rganib, tadbirkor bo‘lish istagini bildirgan 83 nafar yoshlar ustoz-shogird an‘anasi asosida sanoat korxonalarining malakali xodimlariga biriktirildi. Mehnat yarmarkasida korxonalar tomonidan 385 ta bo‘sh ish o‘rinlari taklif etilib, shu erning o‘zida 62 nafar yoshlar ishga joylashdi. Shuningdek, “Aloqa bank” Farg‘ona viloyati filiali mutaxassislari tomonidan venchur jamg‘armasi kreditlarini taqdim etish tartibi, hujjatlarni rasmiylashtirish, biznes-reja tuzish kabi mavzular bo‘yicha o‘quv-seminari tashkil etildi. Seminar davomida kredit olish istagini bildirgan 204 nafar yoshlar biznes loyihalari ro‘yxati shakllantirilib, biznes paket hujjatlari rasmiylashtirish ishlari boshlandi.