1. Bosh sahifa
2. Yangiliklar

OLTIARIQ TUMANIDA TIBBIYOT MASKANLARI FOYDALANISHGA TOPSHIRILDI

×

Xabaringiz bor, Muhtaram Prezidentimiz tomonidan Farg’ona viloyatidagi Marg’ilon shahri va Oltiariq tumanlarini namunali tibbiyot maskanlariga aylantirish topshirig’i berilgan edi.

Oltiariq tumanida bu ishlarni amalga oshirish uchun viloyat mahalliy byudjetidan qariyb 10 milliard so’m mablag’ ajratilgan. Bu mablag’lar asosida tibbiyot muassasalarini zamonaviy-tibbiy asbob-uskunalar, laboratoriya jihozlari bilan ta'minlash, binolarni ta'mirlash va bemorlarga qulay sharoitlar yaratish nazarda tutilgan. 

Tumanimizda "Navro’z" bayrami arafasida zamonaviy tarzda ta'mirdan chiqarilgan ko’p tarmoqli bolalar poliklinikasi, 37 va 38-qishloq oilaviy poliklinikalarining ochilish marosimi o’tkazildi. Unda tuman hokimi Xolmirza Niyozov, sektor rahbarlari, faollar va tibbiyot xodimlari ishtirok etishdi. 

Ochilish marosimida ishtirok etganlar yangi foydalanishga topshirilgan ushbu tibbiyot maskanlari tumanimizdagi fuqarolarimizni sog’lom bo’lishlari va kasallikni oldini olishda xizmat qilishi ta'kidlandi. 

Oltiariq tumani hokimligi axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat