1. Бош сахифа
2. Янгиликлар

ЖУРНАЛИСТЛАРГА ЭҲТИРОМ КЎРСАТИЛДИ

×

Олтиариқ тумани ҳокимлиги томонидан 27 июнь – Матбуот ва оммавий ахборот воситалари ходимлари куни байрами кенг нишонланди

Тадбирга вилоят ва туман оммавий ахборот воситалари ходимлари, фахрий журналистлар, блогерлар, ижтимоий тармоқлар фаоллари таклиф этилди.

Тантанада туман ҳокими Ш.Турдалиев иштирок этиб, бугунги кунда матбуот ва оммавий ахборот воситалари ходимлари, айниқса, журналист ва блогерларнинг қадр-қиммати юксалаётгани ҳамда улар ҳамиша жамият тараққиётининг кўзгуси, кишиларнинг онги, дунёқарашининг шаклланишида асосий воситалардан бири бўлиб келаётганини таъкидлади.

–                  Ҳар қандай мураккаб шароитда ҳам халқ орасида юриб, одамларни қийнаётган муаммоларни дадиллик билан кўтариб чиққан, уларни бартараф этиш учун жамоатчилик фикрини шакллантирган сиз, матбуот аҳлининг фидокорона меҳнатингизни яхши биламиз ва қадрлаймиз, – деди туман ҳокими.

Байрам кечасида туманни ижтимоий-маънавий юксалтириш ишига қўшган салмоқли ҳиссаси, жамият ҳаётидаги, сўз ва матбуот эркинлигини ривожлантиришдаги фаоллиги, очиқлик ва ошкоралик тамойилларини мустаҳкамлашдаги ташаббускорлиги учун ҳамда 27 июнь – Матбуот ва оммавий ахборот воситалари ходимлари куни муносабати билан бир гуруҳ матбуот ва оммавий ахборот воситалари ходимлари, блогерлар туман ҳокимининг ташаккурномалари ҳамда совғалари билан тақдирландилар.

Бизни ижтимоий тармоқларда кузатинг
Facebook | Telegram | Telegram murojaat