1. Бош сахифа
2. Янгиликлар

ЗАФАР МУБОРАК, ОЛТИАРИҚЛИК ҒАЛЛАКОРЛАР

×

Олтиариқ туманида жорий йил 5 минг 400 гектар майдонга ғалла экилди. Миришкор деҳқонлар 13 минг 946 тонна ҳосилни давлатимиз хирмонига топшириб, белгиланган давлат шартнома режасини бажардилар.

Ғалла ўрим-йиғим ишларини сифатли ташкил этиш учун соҳа вакиллари 23 та отрядга бирлашиб миришкорларга кўмакдош бўлди. “Ғалла – 2022” мавсумида яхши натижаларни қўлга киритган "Фаҳриддин Мирзо", "Зиёдулло Нодирбек файз", "Комил Ҳамдам Замини", "Ҳошимбой Муҳаммадюсуф", "Қизилтепа омадли насл" каби бир қатор фермер хўжаликлари номларини алоҳида таъкидлаш ўринлидир.

Олтиариқ азалдан миришкор ғаллакор ва уста бободеҳқонлар юрти. Бугунги кунда ҳам бу эзгу анъананинг муносиб ворислари бўлган фермерлар жорий йилги ютуқлар сарҳисобидан мамнун бўлиб, эртанги кун истиқболи умидида улкан орзу-мақсадлар билан янги марралар сари интилмоқда.

Ҳали ғаллазорларда ҳосил мўл. Ўрим-йиғим ишлари эса жадаллик билан давом этмоқда.

Бизни ижтимоий тармоқларда кузатинг
Facebook | Telegram | Telegram murojaat