1. Бош сахифа
2. Янгиликлар

ОЛТИАРИҚДА МАЪНАВИЯТ ФЕСТИВАЛЛАРИ ЎТКАЗИЛМОҚДА

×

Шу кундарда вилоятимиз яна бир катта маънавий-маърифий тадбирга мезбонлик қилмоқда. Барча маҳалла фуқаролар йиғинида “Янги Ўзбекистон – инсон қадри улуғланган юрт” шиори остида концерт дастурлари, театрлаштирилган томошалар, ижодий учрашувлар, энг сара кинофильмлар намойиши бўлиб ўтмоқда. Жумладан, бундай тадбирлар туианимизда ҳам ташкил этилмоқда.

Фарғоналиклар азалдан маданият ва санъатни қадрлашади. Айниқса, элимиз суйган санъаткорлар ва ижодкорлар билан гурунгларни, учрашувларни соғинган. Шу боис ҳам ҳар бир ҳудудда бу тадбирларни юқори савияда ўтказиш чора-тадбирлари белгиланди.

Учрашувларда аҳолига юртимизда Янги Ўзбекистонни бунёд этиш йўлида амалга оширилаётган кенг кўламли ислоҳотлар ҳамда эришилаётган ютуқларни аниқ ҳаётий мисоллар орқали содда ва тушунарли шаклда етказишга эътибор қаратилмоқда.

Республика Маънавият ва маърифат маркази, Ёзувчилар уюшмаси ҳамкорлигида “Китоб карвони” ташкил этилиб, мингдан зиёд китоблар туҳфа қилинади. “Кинокарвон” лойиҳаси доирасида маҳаллаларда кино санъатимизнинг 100 та энг сара намунаси ва сўнгги йилларда ишлаб чиқарилган фильмлар намойиш этилиб, киноижодкорлар билан учрашувлар ўтказилмоқда.

Бизни ижтимоий тармоқларда кузатинг
Facebook | Telegram | Telegram murojaat