1. Бош сахифа
2. Янгиликлар

ДЕЛЕГАЦИЯ АЪЗОЛАРИ ТАШРИФИ

×

Хабарингиз бор, Фарғона ва Қирғизистоннинг Норин вилоятлари раҳбарлари учрашуви доирасида вилоятимизга ташриф буюрган Қирғизистоннинг Норин вилояти делегацияси туман ва шаҳарларда бўлиб, у ерларда амалга оширилаётган ислоҳотларлар билан танишмоқдалар. 

Амалий ташриф билан Фарғона вилоятида бўлиб турган Қирғизиcтоннинг Норин вилояти губернатори Собирқул Ашимбаев бошчилигидаги делегация Олтиариқ туманидаги “Файзли боғлар сари” узумчилик кооперациясига ташриф буюришди. 

Делегация аъзоларига узумчилик кооперациясида ёшларга яратилган имкониятлар билан яқиндан танишишди. Таъкидланганидек, узумчилик кооперациясининг 6 гектарлик токзори ўрнида илгари пахтадан 20, ғалладан 25 центнер ҳосил олинар эди. Ўтган йили бу ерда боғ яратилиб, “хусайни”, “келин бармоқ”, “ризамат” навли узум кўчатлари экилган. Қатор ораларида помидор, бодринг, кўкатлар, қалампир ва бошқа сабзавотлар етиштирилмоқда. Томчилатиб суғориш тизими жорий қилинган.

Энг муҳими, бу майдон 50 нафардан ортиқ ёшларга, жумладан, хориждан қайтиб келган меҳнат муҳожирларига ажратиб берилган. Улар плёнка остига сабзавотлар экиб, тўрт мартагача ҳосил олиши мумкинлигини айтишди.

Шундан сўнг делегация аъзолари Олтиариқ тумани Чинортаги маҳалла фуқаролар йиғинидаги Ғофуров Хусанбой хонадонида бўлишиб, у ерда сақланаётган узумларни кўздан кечиришди. Меҳмонлар сақланаётган узумлардан тортиб кўришиб, деҳқонларнинг бундай маҳоратини эътироф этдилар.

Делегация аъзоларининг ташрифлари давом этмоқда.

Олтиариқ тумани ҳокимлиги ахборот хизмати

Бизни ижтимоий тармоқларда кузатинг
Facebook | Telegram | Telegram murojaat