1. Бош сахифа
2. Янгиликлар

ХУДУДЛАРДА ТАХЛИЛИЙ МУЛОҚОТЛАР ЎТКАЗИЛМОҚДА

×

Олтиариқ туман Ички ишлар бўлими бошлиғи Муроджон Қундузов раҳбарлигида туман худудида содир этилган жиноятчилик холатлари бўйича тахлилий йиғилишлар ўтказилмоқда.
Секторлар ва маҳалла фуқаролар йиғини кесимида ўтказилаётган учрашувларда худуд профилактика инспекторлари, маҳалла фуқаролар йиғинлари раислари ва мутахассислари, таълим муассасалари раҳбарлари ҳамда аҳоли вакиллари иштирок этмоқдалар.
Ана шундай мулоқотлар тумандаги 1-умумтаълдим мактабида, 2-умумтаълим мактабида, 27-умумтаълим миактабида, Маориф ҳамда Повулғон маҳалла фуқаролар йиғинларида бўлиб ўтди.
М.Қундузов ўтган даврда содир этилган жиноятларни худудларга тегишлилиги бўйича батафсил тахлил қилди.
Хавфсиз худуд, хавфсиз муасса тамойили асосида амалга оширилаётган ишларда кенг жамоатчиликнинг ўрни хусусида фикр юритилди.
Маҳалла ва муассасаларда кундузги ва тунги вақтларда масъуллар томонидан мунтазам назоратни таъминлаш, кузатув камералари ва тунги ёритиш тизимлари фаолиятини тўғри ташкил этиш масалаларида гапириб ўтилди.
Айниқса, вояга етмаганлар ва ёшлар ўртасида хуқуқбузарликларни олдини олиш, хотин-қизлар иштирокида содир этилаётган ёки уларнинг хуқуқлари поймол қилинаётган холатларга қарши курашиш ишларида жамоатчиликнинг иштироки аҳамиятли.
Ҳар қандай жиноятга жазо муқаррарлигини англаб етиш ва хуқуқий билимларини ошириш учун ёшлар ўртасида профилактик тадбирларни янада кучайтириш зарурлиги таъкидланди.