1. Бош сахифа
2. Янгиликлар

ИНВЕСТИЦИЯ ДАСТУРИ – АМАЛДА

×

Олтиариқ туманидаги 33-сонли мактабгача таълим ташкилотида Инвестиция дастури асосида “Саддинисо Хабибулло” қурилиш фирмаси қурувчилари томонидан 4 млрд 67 млн сўм маблағ эвазига реконструкция ишлари олиб борилди. Замонавий масканнинг иш бошлаганидан нафақат болажонлар, ота-оналар ҳам баҳад мамнун бўлмоқда. 

Бугун бўлиб ўтган ушбу мактабгача таълим муассасасининг очилиш маросимида туман ҳокими Ш.Турдалиев бошчилигидаги сектор раҳбарлари, туман мактабгача таълим бўлими ходимлари, ота-оналар, нуронийлар ҳамда маҳалла фаоллари қатнашди.

– Болажонлар учун барча қулайлик яратилган, – дейди туман мактабгача таълим ташкилоти бўлими мидираси Холисхон Апандиева. – Кенг, шинам ётоқхона, ошхона, машғулотлар хоналари, болаларбоп мебель жиҳозлари, ранг-баранг ўйинчоқ ва кўргазмали қуроллар болажонлар ихтиёрида. Ҳовлида болажонлар учун ёзги ўйин майдони барпо этилиб, замонавий усулда жиҳозланган. 

Очилиш маросимидан сўнг тадбир иштирокчилари муассасада тарбияланувчилар учун яратилган шароитлар билан танишди.

– Президентимизнинг мактабгача таълим тизимини ривожлантириш, айниқса, чекка қишлоқ туманларига бераётган эътиборидан биз, ота-оналар беҳад мамнунмиз, – деди маҳалла фаоллари. – Шу эътибор туфайли маҳалламиздаги мактабгача таълим муассасаси замонавий қиёфа касб этди. Бу ерда болаларни ҳар томонлама баркамол тарбиялаш, мактабга тайёрлаш учун барча шароитлар бор.

Бизни ижтимоий тармоқларда кузатинг
Facebook | Telegram | Telegram murojaat