1. Bosh sahifa
2. Yangiliklar

KEKSALAR HOLIDAN XABAR OLINMOQDA

×

Davlatimiz rahbari tomonidan joriy yil 29 aprel kuni ehtiyojmand aholining ijtimoiy himoyasini yanada kuchaytirish chora-tadbirlari yuzasidan o’tkazilgan videoselektor yig’ilishida e'tiborga muhtoj aholi qatlamiga g’amxo’rlik ko’rsatish bo’yicha yangi tizim yaratilayotgani ularning holidan doimiy ravishda xabar olish bo’yicha ko’rsatmalar berilgan edi.

Mazkur yig’ilishda berilgan topshiriqlar ijrosini ta'minlash maqsadida Ramazon hayiti nishonlanayotgan shu kunlarda viloyat hamda tuman hokimligi tomonidan tumandagi bir guruh keksalar, boquvchisini yo’qotgan oilalar, nogironligi bo’lgan ehtiyojmandlar holidan xabar olinmoqda. Ularga oziq-ovqat mahsulotlari tarqatilib, bayram bilan qutlanmoqda. 

– Ramazon oyi – mehr-oqibat va bag’rikenglik oyidir. Savob ishni har kim har kuni qilishi kerak. Zero, o’zaro hurmat, mehr-oqibat, xayr-saxovat va shukronalik tuyg’ulari xalqimizning ma'naviy hayoti, milliy qadriyati sifatida an'analarimizning ajralmas qismi bo’lib kelgan. Insoniylik fazilatlarining eng ezgusi ham odamlarga yaxshilik ulashishdir, – deydi tuman prokurori, 2-sektor rahbari Rustamjon Tillayev.

Muborak hayit kunlari bu kabi xayr-saxovat tadbirlari davom etmoqda.

Oltiariq tumani hokimligi Axborot xizmati.

Bizni ijtimoiy tarmoqlarda kuzating
Facebook | Telegram | Telegram murojaat