1. Bosh sahifa
2. Yangiliklar

KIBERXAVFSIZLIK - DOIMIY OGOHLIK DEMAKDIR

×

Oltiariq tuman hokimligi majlislar zalida viloyatimizda o’tkazilayotgan "Kibermadaniyatni yuksaltirish oyligi" doirasida targ’ibot tadbiri bo’lib o’tdi.

Unda tumandagi mavjud 72 ta MFYda faoliyat yuritayotgan "ettilik" jamoasi, IIB, tijorat banklari, tibbiyot, ta'lim, madaniyat, Favqulodda vaziyatlar bo’limi rahbarlari, 15 ta Jom'e masjidlari imomlari va boshqa mas'ullar ishtirok etdilar.

Viloyat hokimligi hamda

viloyat IIB boshqarmasi kiberxavfsizlik bo’limi mas'ul xodimlari, tuman hokimining tegishli o’rinbosarlari

tomonidan so’nggi yillarda avj olayotgan kiberjinoyatlarning turli ko’rinishlari yuzasidan tahliliy ma'lumotlar berildi.

Elektron boshqaruv, bank plastik sohasi, internet tarmog’i va boshqa kiberjinoyat manbalari bilan ishlashda e'tibor qaratish kerak bo’lgan jihatlar haqida mutaxassislar batafsil tushuntirish berdilar.

Yig’ilish ochiq muloqot tarzida o’tkazildi.

Oltiariq tuman hokimligi axborot xizmati.