1. Bosh sahifa
2. Yangiliklar

PROBATSIYA GURUHI RO’YXATIDA TURUVCHI SHAXSLAR BILAN TIZIMLI ISHLAR AMALGA OSHIRILMOQDA

×

Oltiariq Bolalar Musiqa va san'at maktabi zalida tuman IIB Probatsiya guruhi xisobida turuvchi shaxslar ishtirokida sayyor sud hamda muhokama yig’ilishi o’tkazildi.

Sudlar tomonidan belgilangan jazo muddatini o’tayotgan, o’rnatilgan tartib-intizomga rioya qilgan 25 nafar mahkumlar sud qarori bilan muddatidan avval belgilangan jazodan shartli ravishda ozod qildilar.

Aksincha, belgilangan jazodan qasddan bo’yin tovlagan, yetarlicha xulosa chiqarmagan 2 nafar mahkumning jazo turi boshqa, og’irroq jazo turiga almashtirildi.

Muhokama yig’ilishida viloyat IIB Probatsiya boshqarmasi mas'ul xodimlari ishtirok etib, probatsiya guruhi xisobida turuvchi, nazoratdagi shaxslarning tuzalish yo’liga o’tishlari uchun foydali mehnat bilan band bo’lishlari muhim ahamiyatga ega ekanligini ta'kidladilar.

Shu kuni o’tkazilgan "Mehnat yarmarkasi"da 3 nafar nazoratdagi shaxslar doimiy ish bilan ta'minlandi.

Oltiariq tuman hokimligi axborot xizmati.

https://t.me/oltiariqtumanihokimligi