1. Bosh sahifa
2. Yangiliklar

NAJOT - TA'LIMDA VA TARBIYADA!

×

  Oltiariq tumanidagi 38-umumta'lim maktabida tashkil etilgan tadbir anashu mavzu doirasida bo'lib o'tdi.

  Joriy yilda maktabni bitirgan bitiruvchilarning oliy o'quv yurtlariga talabalikka qabul qilinganligi munosabati bilan tashkil etilgan tadbirda tuman hokimi o'rinbosari A. Islomov, tuman Kengashi deputatlari X. Rahimov, D. Karimov, Ma'naviyat va ma'rifat markazi tuman bo'linmasi bosh mutaxassisi D. G'oyibnazarova, shuningdek, 35 nafar talabalik bo'sag'asida turgan yoshlar, ularning ustozlari va ota-onalari ishtirok etdilar.

  Marosimda so'zga chiqqanlar maktab bitiruvchilarini yutuqlari bilan tabriklab, bunday muvaffaqiyatlar zamirida ta'lim bergan ustozlar va ota-onalarning mehnatlari beqiyos ekanligini e'tirof etdilar. 

  Tuman kengashi deputati D. Karimov tomonidan o'quvchilari talabalikka qabul qilingan 6 nafar fidoyi ustozlarga pul mukofotlari topshirildi.

  Ma'naviyat va ma'rifat matkazi tuman bo'linmasining tashakkurnomalari ham fidoyi ustozlarning mehnatiga berilgan munosib e'tirof bo'ldi.

  Zero, biz farzandlarimizni qanchalik ilmli qilib tarbiyalasak, shunchalik qadrimiz yuksalaveradi.