1. Bosh sahifa
2. Yangiliklar

"YOSHLAR OYLIGI" DOIRASIDA HOKIM VA YOSHLAR UCHARSHUVI

×

Oltiariq tumani markaziy Madaniyat saroyida "Hokim va yoshlar” uchrashuvi bo’lib o’tdi.

Tuman hokimi Shamsiddin Turdaliyev hamda tuman prokurori Rustamjon Tillayevlar tadbirda ishtirok etib, barchani yaqinlashayotgan "30-iyun - yoshlar kuni" bilan tabrikladilar.

"Yoshlar oyligi" doirasida tumanda hokimlik, Yoshlar ishlari Agentligi va tegishli tashkilotlar tomonidan tashkil etilgan tadbirlar, turli sport musobaqalarida faol ishtirok etgan jamoalar hamda g’oliblarga minnatdorchilik bildirildi.

Yoshlar va ularning ota-onalari hamda ustozlari ishtirokida umumta'lim maktablarining bitiruvchilari, Oltin va Kumush medal sohiblari olqishlandi.

Tuman hokimi hamda tuman prokurori har bir medal egalarining qo’lini siqib, "Bu mukofot yoshlar uchun kelgusidagi yanada yuksak muvaffaqiyatlarga erishish uchun avans" ekanligini alohida ta'kidladilar.

Bitiruvchilarning ota-onalari ham farzandiga yaxshi ta'lim-tarbiya berganlari uchun hokimlik tomonidin "Tashakkurnoma"lar bilan taqdirlandilar.

Tadbir yakunida tuman hokimi Shamsiddin Turdaliyev maktab bitiruvchilariga hayot yo’llarida ulkan muvaffaqiyatlar tiladi.