1. Bosh sahifa
2. Yangiliklar

XIRMON TO’LIB TO’KILDI DON 

×

Oltiariqlik dehqon-fermerlar 2023 yil xosili uchun parvarishlagan boshoqli don o’rim-yig’imi mavsumini uyushqoqlik bilan olib bormoqdalar.

Tovar don yetishtirish bo’yicha tuzilgan 6611 tonna reja ortig’i bilan bajarildi. Birja savdosi uchun qo’yiladigan jamg’armaga 5829 tonna sara bug’doy topshirildi. Urug’lik don uchun 1800 tonna rejadagi bug’doy ayni kunlarda o’rib-yig’ib olinmoqda.

Bundan tashqari ikkita klasterlar va bitta korporatsiya bilan tuzilgan shartnomalarga asosan fermer xo’jaliklari tomonidan 5200 tonna bug’doy yetkazib berish ko’zda tutilgan. 

Bu yil xosildorlik yuqori bo’ldi. Peshqadam fermerlarimiz gektaridan 100 tsentnergacha yetkazib bug’doy o’rib olmoqdalar. Shartnomalarda ko’rsatilgan 19000 tonnaga yaqin bug’doy topshirilib, rejalar bajarilganidan tashqari qariyib 7000 tonnadan ortiq don dehqonlarning o’z ixtiyorlarida qoladi. Fermerlar va ularning ishchilari bu ham bug’doydan katta xirmon ko’tarib, yaxshigina daromad qilmoqdalar.

Xayrullo Baxrom Boymatov, Faxriddin Mirzo, Xolboy obod, G’ulomjon o’g’li Nomonjon, Xayot oq oltin, Azimobod Farxod, Xo’raboy Oltiariq, Ismoil Nozimobod singari fermer xo’jaliklari bu yilgi mavsumda peshqadam bo’ldilar.