1. Bosh sahifa
2. Yangiliklar

GULOBOD GULDEK OBOD BO’LMOQDA

×

Oltiariq tumani 3-sektordagi Gulobod mahalla fuqarolar yig’inida paydo bo’lganidan buyon asfalt ko’rmagan ko’chalar ko’p edi. Qishda rutubatli, yozda chang-to’zon bo’lib, kishi kayfiyatini xufton qilardi. Ushbu muammolar bo’yicha aholining murojaatlarini ko’rib chiqish, ko’chalarga asfalt yotqizish uchun esa mablag’ ajratish imkoni bo’lmagan. 

Hokimiyat va sektor rahbarlari tomonidan "Mahallabay" o’rganishlar davomida ishlab chiqilgan loyihalar natijasida ko’p yillik muammolar yechim topmoqda.

Prezidentimizning mahallalar infratuzilmasini yanada yaxshilashga qaratilgan PQ-408-sonli qaroriga asosan Guloboddagi 18 kilometrdan ortiq ichki yo’llarni asfaltlashtirish uchun davlat byudjetidan yetarli mablag’ ajratildi.

Keksa yoshli odamlarning ta'biri bilan aytganda, bitta mahallada bunchalik katta xajmdagi ishlar ilgari hech bo’lmagan. Xatto tor ko’chalar, oraliq yo’llar ham asfalt qilinyapti. Katayu-kichik birdek mamnun.

Oltiariq tuman hokimligi axborot xizmati