1. Bosh sahifa
2. Yangiliklar

Халқ депутатлари Олтиариқ туман Кенгашининг Қарори

2022-yil 4-choragida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti to‘g‘risida

O‘zbekiston Respublikasi Prezidentining 2018-yil 28-avgustdagi “Budjet ma’lumotlarining ochiqligini va budjet jarayonida fuqarolarning faol ishtirokini ta’minlash chora-tadbirlari to‘g‘risida”gi PQ-3917-sonli hamda 2021-yil
13-apreldagi “Budjet jarayonida fuqarolarning faol ishtirokini ta'minlash bo‘yicha qo‘shimcha chora-tadbirlar to‘g‘risida”gi PQ-5072-sonli Qarorlariga asosan O‘zbekiston Respublikasi Oliy Majlisi Senati Kengashining 2021-yil 22-apreldagi KQ-213-IV-sonli Qarori, shu bo‘yicha xalq deputatlari Oltiariq tuman Kengashining 2022-yil
17-fevraldagi “Mahalliy budjet mablag‘lari sarflanishida jamoatchilik ishtirokini ta’minlash to‘g‘risida”gi VI-44-15-11-151-K/22-sonli qarori bilan tasdiqlangan namunaviy Nizomning 27,29-bandlari ijrosini ta’minlash maqsadida xalq deputatlari tuman Kengashi

QAROR QILADI:

1. 1.                      Xalq deputatlari Oltiariq tuman Kengashining 2022-yil 17-fevraldagi “Mahalliy budjet mablag‘lari sarflanishida jamoatchilik ishtirokini ta’minlash to‘g‘risida”gi VI-44-15-11-151-K/22-sonli qarori bilan tasdiqlangan namunaviy Nizomning 27-bandiga asosan 2022-yil yillik chorak yakunlari bo‘yicha jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar yuzasidan tuman hokimligi moliya bo‘limi mudiri A.Raximjonovning hisoboti ma’lumot uchun qabul qilinsin.
2. 2.                      Mazkur qaror bilan quyidagilar:

2022-yil 4-choragida “Tashabbusli budjet” jarayoni natijalari bo‘yicha ma’lumotlar 1 va 2-ilovaga muvofiq;

2022-yil 4-choragida “Fuqarolar tashabbusi jamg‘armasi” mablag‘larining shakllanishi to‘g‘risidagi ma’lumotlar 3-ilovaga muvofiq;

2022-yil 4-choragida “Fuqarolar tashabbusi jamg‘armasi”dan jamoatchilik fikri asosida shakllantirilgan (g‘olib deb topilgan) tadbirlarni moliyalashtirish uchun yo‘naltirilgan mablag‘lar 4-ilovaga muvofiq tasdiqlansin.

1. 3.                 Tuman hokimligi moliya bo‘limi (A.Raximjonov), tuman hokimligi axborot xizmati (A.Xonkeldiyev) “Tashabbusli budjet” natijalari bo‘yicha ma’lumotlarni keltirilgan ilovalarga muvofiq shakllarda “Ochiq budjet” axborot portali hamda hokimlikning rasmiy web-saytlariga joylashtirish va har chorak yakunlariga ko‘ra, keyingi chorak birinchi oyining 25-sanasiga qadar joylashtirib borish vazifalari yuklatilsin.
2. 4.                 Mazkur qaror bajarilishini nazorat qilish xalq deputatlari tuman Kengashining Mahalliy budjet, iqtisodiy islohotlarni amalga oshirish, investitsiyalar va tadbirkorlikni rivojlantirish masalalari bo‘yicha doimiy komissiyasi (B.Nosirov), ijrosini ta’minlash moliya-iqtisodiyot va kambag‘allikni qisqartirish masalalari bo‘yicha tuman hokimining birinchi o‘rinbosari zimmasiga yuklatilsin.