Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
"Кексалар хафталиги"
2022-10-07 18:20:11 137
"Кексалар хафталиги" доирасида Олтиариқ туманида ҳам шу кунларда қатор чора-тадбирлар амалга оширилмоқда. Туманнинг Дўстлик маҳалла фуқаролар йиғинида жойлашган 2-Иқтидорли болалар мактабида "Кексаларни эъзозлаш, уларга хурмат-эхтиром кўрсатиш халқимизга хос эзгу фазилат" бош ғояси асосида тадбирлар ташкил ўтказилмоқда. Ана шундай учрашувлардан бири маҳалла худудида яшовчи кекса ёшли инсонлар, турли соҳа ва лавозимларда кўп йиллар меҳнат қилган нуронийлар иштирокида бўлиб ўтди. МФЙ раиси Т. Ўринбоев ташаббуси билан Азамжон Юсупов, Ўктамжон Ибрагимов, Абдураҳим Холматов сингари меҳнат фахрийлари иштирокида ташкил этилган тадбир ҳам ўқувчи ёшлар учун айниқса, эсда қоларли бўлди. Мактаб, маҳалла ва қишлоқ тарихи, шу ердан етишиб чиққан машхур кишиларнинг болалик даврлари ҳақидаги хотиралар меҳмонлар томонидан ёдга олинди. Ўқувчилар эса ўзларининг орзу ва мақсадлари, касб танлаш билан боғлиқ қизиқишлари ҳақида сўзлаб бердилар. Кексаларнинг насиҳат ва дуолари олинди.
