1. Bosh sahifa
2. Yangiliklar

ОЛТИАРИҚ УЗУМЧИЛИК ФЕСТИВАЛИ

×

Ўзбекистон Республикаси Президентининг “Туркий давлатлар билан туризм соҳасидаги ҳамкорликни жадал ривожлантириш чора-тадбирлари тўғрисида”ги қарори асосида Фарғона вилоятида кенг кўламли ишлар амалга оширилмоқда. Улар доирасида бугун “Олтиариқ узумчилик” фестивали ҳам бўлиб ўтди.

Фестивал иштирокчилари Олтиариқ тумани, Узумчи маҳалла фуқаролар йиғинида кутиб олинди. Тадбирга Италия, Покистон, Қозоғистон, Белорусия давлатлари делегациялари, қўшни вилоятлардан меҳмонлар ҳамда вилоятимизнинг туризм соҳаси мутахассислари ташриф буюрдилар.

Фестивал доирасида оммавий ахборот воситалари ходимларининг ПРЕСС тури ташкил қилинди.

Вилоят ҳокимининг ўринбосари Х.Ахмедов фестивал иштирокчиларига Олтиариқ узумчилиги ҳамда агротуризмни ривожлантириш бўйича амалга оширилаётган лойиҳалар хусусида маълумот берди.

Журналист, блогерлар ва фестивал иштирокчилари Олтиариқ узумчилиги бўйича етарли маълумотларга эга бўлишди.

Фарғона вилоят Татар маданий маркази ва Қирғиз маданий маркази раҳбарлари ҳамда улар қошидаги бадиий хаваскорлик тўгараклари иштирокчилари ҳам ўз дастурларини намойиш этишди.

Туман ҳокимининг ўринбосари А.Исломов туманда етиштирилаётган қишлоқ хўжалиги маҳсулотлари хажми ва экспорти билан таништирди.

Олтиариқлик миришкор деҳқонлар узумчилик борасидаги ўз маҳорат ва тажрибалари билан ўртоқлашдилар.

Хорижликлар учун аҳоли хонадонларида етиштирилган узумларни томоша қилиш, токдан ўзлари узум узиб ейиш анчайин завқли бўлди.