Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Эл азиз, инсон азиз!
2022-08-25 17:33:48 127
Олтиариқ тумани Тошобод МФЙ ҳудудида жойлашган 38-умумтаълим мактабида Маънавият ва маърифат маркази туман бўлими, Ёшлар агентлиги туман бўлими ва "Олтиариқ-Повулғон-саховат" гуруҳи томонидан Ўзбекистон Республикаси давлат Мустақиллигининг 31 йиллиги муносабати билан "Эл азиз, инсон азиз" шиори остида "Мустақиллик шукронаси" деб номланган маданий-маърифий тадбир бўлиб ўтди.
Маҳалла нуронийлари ва ёшлар иштирок этган тадбирда Тошобод МФЙ раиси О. Ҳожираҳимов сўзга чиқиб, йигилганларни байрам билан муборакбод этди.
Туман маданият уйи санъаткорлари Убайдулло Тўланбоев, Иномжон Ўктамжонов ва бошқа умидли ёшлар томонидан ижро этилган қўшиқлар, фаҳрий педагог Зарифахон ая Мамажонова томонидан билдирилган миннатдорчилик сўзлари, Холинисо ая Эркаева ижросидаги лапарлар ҳам йиғилганларга манзур бўлди.
Тадбир давомида ўзининг билим ва иқтидори, юксак салоҳияти, ақлу заковати билан юқори натижаларга эришган ёшларимизнинг ота-оналарига Маънавият ва маърифат маркази туман бўлинмаси томонидан ташаккурнома ва китоблар топширилди.
