1. Bosh sahifa
2. Yangiliklar

Мустақиллик шукронаси

×

Олтиариқ туманида Ўзбекистон Республикаси Давлат Мустақиллигининг 31 йиллигини муносиб кутиб олиш ҳамда "Инсон қадрини улуғлаш ва фаол маҳалла йили" давлат Дастуридаги чора-тадбирлар ижросини таъминлаш ва аҳоли ўртасида шукроналик хиссини ошириш, маънавий -маърифий соҳа тарғиботини янада кучайтириш мақсадида туман ҳокимлиги, Маънавият ва маърифат маркази туман бўлинмаси, Маданият бўлими, Ички ишлар бўлими ва Маҳалла ва нуронийларни қўллаб-қувватлаш бўлимлари иштирокида ҳамкорлик режаси ишлаб чиқилган. Август ойи давомида туман маркази ҳамда худудларда "Янги Ўзбекистонда эл азиз, инсон азиз" шиори остида маданий, маърифий тадбирлар ўтказилади. 

     Бу галги "Мустақиллик шукронаси" концерт дастурига Фарғона шаҳридан "Зиё" эстрада гуруҳи таклиф этилди.

Тадбирда меҳр-саховат, одамийлик, ота-она ва юрт меҳри мавзуларида қўшиқлар янгради. Ижодкорлар томонидан Ватан ва фаровонликни тараннум этувчи шеърлар ўқилди. Байрам тадбирларида 500 нафардан зиёд аҳоли иштирок этди. 

Бундай концерт дастурлари туманнинг барча худудларида давом этмоқда.