1. Bosh sahifa
2. Yangiliklar

OLTIARIQLIK DEHQONLAR SHARAFLANDI

×

Oltiariqlik dehqon-mirishkorlar bu yilgi g’alla mavsumini muvaffaqiyatli bajarganliklari sharafiga katta bayram tadbiri tashkil etildi

Tadbirda tuman hokimi Shamsiddin Turdaliyev, sektor rahbarlari, faxriylar, xotin-qizlar vakillari, fermer va klaster rahbarlari, suvchi, mexanizator, kombayn operatorlari, otryadlar rahbarlari, qishloq xo’jaligi sohasi fidoyilari ishtirok etdi.

Tuman rahbari dehqonlarni erishgan yutuqlari bilan qutlab, bunday natijaga davlatimizning qishloq xo’jaligi sohasiga bo’lgan e'tibori, bozor iqtisodiyotiga xos yondashuvni va moddiy rag’batlantirish mexanizmini joriy etilgani, qolaversa agrar sektor, oldingi tizimdan mutlaqo farq qilar darajada transformatsiya qilingani sabab erishilganini ta'kidladi.  

Oltiariq tumanida joriy yil 5 ming 400 gektar maydonga g’alla ekildi. Mirishkor dehqonlar 13 ming 946 tonna hosilni davlatimiz xirmoniga topshirib, belgilangan davlat shartnoma rejasini bajardilar.

G’alla o’rim-yig’im ishlarini sifatli tashkil etish uchun soha vakillari 23 ta otryadga birlashib mirishkorlarga ko’makdosh bo’ldi. “G’alla – 2022” mavsumida yaxshi natijalarni qo’lga kiritgan "Fahriddin Mirzo", "Ziyodullo Nodirbek fayz", "Komil Hamdam Zamini", "Hoshimboy Muhammadyusuf", "Qiziltepa omadli nasl" kabi bir qator fermer xo’jaliklari nomlarini alohida ta'kidlash o’rinlidir.

Tuman rahbari yuqori natijani qo’lga kiritgan, qishni qish, yozni yoz demay, paykal oralagan suvchi va mexanizatorlarga, klaster va fermer xo’jaligi rahbarlariga o’z minnatdorchiligini bildirib, ularga esdalik sovg’alarini topshirdi.

Bizni ijtimoiy tarmoqlarda kuzating
Facebook | Telegram | Telegram murojaat