1. Bosh sahifa
2. Yangiliklar

OLTIARIQDA VILOYAT KENGASHI DEPUTATLIGI UCHUN SAYLOV BO’LIB O’TDI

×

Bugun Oltiariq tumanidagi 35-Tinchlik saylov okrugida bo’shab qolgan o’ringa Xalq deputatlari Farg’ona viloyat Kengashi deputatligiga saylovlar bo’lib o’tmoqda.

Barcha saylov uchastkalarida saylov jarayonlari erta tongda Davlat madhiyasi bilan boshlandi.

Xususan, 14-maktab binosida joylashgan 734-saylov uchastkasida ertalab soat 8:00 da bayramona ruhda boshlangan saylovda hududda istiqomat qilayotgan mahalladoshlar saylovda faol ishtirok etish uchun oila a'zolari, qo’ni-qo’shnilari bilan birgalikda tashrif buyurishni boshladilar.

– Saylov uchastkamizda 2554 nafar saylovchi bor. Ularning 23 nafari ilk saylovchilardir, – deydi 734-saylov uchastkasi raisi Yoqutxon Mamajonova.

Barcha saylov uchastkalarida saylovchilarning erkin ovoz berishi uchun barcha qulayliklar yaratilgan. Shuningdek, saylov uchastkasiga kela olmaydigan fuqarolarga ko’chma saylov qutilari orqali xizmat ko’rsatilmoqda.

Eslatib o’tamiz, saylov jarayonlari kechki soat 20:00 ga qadar davom etadi.

Oltiariq tumani hokimligi axborot xizmati.

Bizni ijtimoiy tarmoqlarda kuzating
Facebook | Telegram | Telegram murojaat