1. Bosh sahifa
2. Yangiliklar

MUBORAK HAYIT NAMOZI ADO ETILDI

×

Bugun, 9 iyul kuni erta tongda tuman bo’ylab barcha masjidlarda Qurbon hayiti namozi o’qildi.

Tuman hokimligi va tegishli tashkilotlar hamkorligida Hayit namozini ado etish uchun yig’ilgan namozxonlarga qulaylik yaratish maqsadida barcha zaruriy ishlar amalga oshirildi. Masjidga tutash ko’chalar vaqtincha yopilib, namozxonlar uchun joylar ajratildi. Ichki ishlar, sog’liqni saqlash va boshqa mutasaddi idoralar vakillari navbatchiligi tashkil etildi.

“Birlashgan” jome' masjidida ham qutlug’ ayyom munosabati bilan yig’ilgan musulmonlar bayram bilan tabriklandi. Mazkur masjid imomi Abdurahmonjon Abdurahmonov osuda, obod Vatanda tinch, xotirjam ibodat qilish uchun barcha qulayliklar yaratilgani haqida atroflicha so’z yuritdi. 

Ma'ruzada Hayitning fazilatlari, tarixi va ma'naviy qadriyatlariga e'tibor qaratilib, bunday tinch, to’kin hayot uchun har tong shukrona aytish lozimligi ta'kidlandi. Ehtiyojmand oilalar, keksalar va bemorlarga mehr ko’rsatishning ajru-savoblari xususida fikr yuritildi.

Xususan, Hayit bayrami tarixi, muqaddas islom dini buyurgan ibodatlar, O’zbekistondagi islom dini rivoji, ma'naviy qadriyatlar yuksalishi yo’lida amalga oshirilayotgan sa'y-harakatlar, mamlakatimizdagi bugungi farovon hayotning mazmun-mohiyati haqida so’z bordi. Hayitni munosib nishonlash, bu kunni ulug’ bayram sifatida yaxshi kayfiyatda o’tkazish lozimligi tavsiya etildi.

Bizni ijtimoiy tarmoqlarda kuzating
Facebook | Telegram | Telegram murojaat