1. Bosh sahifa
2. Yangiliklar

OLTIARIQ TUMANI 1-SEKTORIDA XOKIM VA YOSHLAR UCHRASHUVI BO’LIB O’TDI

×

Tumandagi Obod MFY xududida hokim sektorida yashovchi yoshlar hamda mahalla yetakchilari bilan tuman hokimi Sh.Turdaliyevning ochiq muloqoti o’tkazildi.

Unda tuman hokimining o’rinbosari A.Islomov, Yoshlar ishlari Agentligi rahbari A.Keldiboyev hamda tegishli mutasaddilar ishtirok etishdi.

Tuman hokimi bugungi kundagi Xalqaro vaziyat, migratsiya, Mamlakatimiz rahbarining mintaqamiz va dunyoda barqarorlik hamda o’zaro hamkorlik aloqalarini mustahkamlash borasida amalga oshirayotgan ichki va tashqi siyosati haqida gapirdi.

Yoshlarni bandligini ta'minlash, tashabbuslarini qo’llab-quvvatlash, ijtimoiy himoya masalalaridagi barcha muammolarni bartaraf etish yuzasidan tuman hokimligi tomonidan belgilangan vazifalar haqida ma'lumot berdi.

Shu yerning o’zida uch nafar yoshlarning muammolariga ijobiy yechim topildi. Yoshlar uchun sport kompleksi, o’quv markazi tashkil etish yuzasidan bildirilgan takliflar qo’llab-quvvatlandi.

Oltiariq tuman hokimligi axborot xizmati.