1. Bosh sahifa
2. Yangiliklar

MUAMMOLAR BARTARAF ETILMOQDA

×

Oltiariq tumanida Respublika ishchi guruhi vakillari ishtirokida o’tkazilayotgan o’rganishlar davomida aniqlangan muammolar bartaraf etilmoqda

Mahallalarda aholi muammolarini o’rganish, infratuzilma ob'ektlarining faoliyatini yaxshilash, kommunal sohadagi kamchiliklarni bartaraf etish yuzasidan o’rganishlar davom etmoqda.

Respublika ishchi guruhi bilan birgalikda o’tkazilgan muloqotlarda fuqarolar tomonidan bildirilgan murojaat va takliflar tuman hokimi hamda mutasaddi tashkilot rahbarlari tomonidan ko’rib chiqib, ijobiy xal etilmoqda.

Zilxa, Xamid Olimjon, Birlashgan MFYlarida elektr tarmoqlari va transformatorlarda yuzaga kelgan muammolar tuman elektr tarmoqlari korxonasi tomonidan bartaraf etildi.

Tinchlik, Katput MFYlarida ichki yo’llar hamda umumfoydalanishdagi maydonlarga tuman Yo’llardan foydalanish muassasasi hamda tuman Obodonlashtirish bo’limi tomonidan shag’al yotqizish ishlari amalga oshirilmoqda.

Oltiariq tuman hokimligi axborot xizmati

https://t.me/oltiariqtumanihokimligi