1. Bosh sahifa
2. Yangiliklar

BESHOG’AYNI XASHARDA

×

Yaqinlashayotgan Iyd-Qurbon xayiti arafasida Oltiariq tumani markazidagi "Beshog’ayni" mahallasi aholisi har yilgi an'analariga muvofiq xashar uyushtirdilar.

"Matqosimqori" qabristonida mahalla faollari tashabbusi bilan kattalar va yoshlar jamlanib, avvalo qur'on tilovat qilindi. Keksalarning duosi hamda yoshlarning g’ayrati bilan qabristonda tozalov va obodonlashtirish ishlari amalga oshirildi. YEr maydonlari va daraxtlarga ishlov berildi.

Ota-bobolarimizdan meros bo’lgan urf-odatlar qatorida xasharning ahamiyati katta. Unda odamlar orasida birdamlik va mehr-muruvvatni mustahkamlovchi hamda yoshlarni xalollik va mehnatsevarlikka undovchi xislatlar shakllanadi. Tug’ishgan og’a-inilardek ahil va inoq bo’lgan beshog’ayniliklar ana shunday ezgu ishlarda doimo faol bo’ladilar.