1. Bosh sahifa
2. Yangiliklar

21 NAFAR BOLAJONLARNING SUNNAT TO’YI O’TKAZILDI

×

Mamlakatimizda Prezidentimiz Shavkat Mirziyoyev rahnamoligida aholining ijtimoiy himoyaga muhtoj qatlamlarini moddiy va ma'naviy qo’llab-quvvatlash, jamiyatda o’zaro mehr-oqibat, hamjihatlik va xayr-saxovat muhitini yanada mustahkamlash borasida keng ko’lamli ishlar amalga oshirilmoqda. Inson qadrini ulug’lash va faol mahalla yilida bu boradagi ishlar yangi bosqichga ko’tarildi.

Joylarda kam ta'minlangan va ehtiyojmand oilalar farzandlarining sunnat to’ylari o’tkazilayotgani buning yorqin ifodasidir. Bugun Oltiariq tumani hokimligi tomonidan “Inson qadri uchun” shiori ostida tumandagi ehtiyojmand oilalarning 21 nafar farzandiga sunnat to’ylari o’tkazib berildi.

To’ybolalarning har biriga velosiped, shirinliklar, bosh-oyoq sarpo hamda bir qator sovg’alar topshirildi.

“Osiyo” tantanalar majmuida to’kazilgan to’yda tuman hokimi Sh.Turdaliyev boshchiligida sektor rahbarlari va bir guruh tuman faollari to’y bolalarning oila a'zolari va yaqinlari ishtirok etdi.

Tantanani kirish so’zi bilan ochgan tuman hokimi jajji kichkintoylar kelajakda Vatanimiz rivoji uchun xizmat qiladigan komil shaxs bo’lib kamol topishlari, Vataniga sadoqatli, ziyoli insonlar bo’lishlariga ishonch bildirdi.

— Mustaqil diyorimizda har bir oila, har bir bola baxtli bo’lishi uchun xalqchil islohotlar amalga oshirilmoqda, — deydi to’y bolalarning ota-onalari. — Bizlarga hamisha g’amxo’rlik qilib kelayotgan davlatimiz rahbariga cheksiz minnatdorchilik bildiramiz.

Katta shodiyonalik bilan o’tgan to’y davrasini taniqli xonandalar kuy va qo’shiqlari bilan bezashdi.

Bizni ijtimoiy tarmoqlarda kuzating
Facebook | Telegram | Telegram murojaat