Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ДАВРЛАРДАН СЎЗЛОВЧИ КИТОБ
2022-06-23 14:14:43 230
27 июнь – Матбуот ва оммавий ахборот воситалари ходимлари куни байрами арафасида “Давр овози” Олтиариқ туман матбуоти тарихидан лавҳалар” китоби нашрдан чиқди.
Газетага узоқ йиллар меҳнати сингган журналистлар Олимжон Ҳакимов ва Обиджон Бердалиев ҳаммуаллифлигидаги рисолада Олтиариқ тумани ҳокимлиги муассислигидаги “Давр овози” газетасида сал кам бир аср мобайнида чоп этилган энг сара мақолалар ҳамда унда ижод қилган меҳнат жамоаси ҳақида сўз боради.
– Оммавий ахборот воситалари халқимиз ҳаётининг ҳар бир кунини ёритиб борувчи, уни тарих зарварақларига муҳрловчи том маънодаги “Давр овози”дир. Бу воситалар ичида босма нашрлар, шу жумладан, газеталарнинг ўрни катта. Газеталар вақтли матбуот бўлиш билан бирга, йиллар мобайнида сақланиб қолиши туфайли, хос солнома сифатида ҳам муҳим аҳамият касб этади, – дейди китоб муаллифи Обиджон Бердалиев.
Газетанинг 90 йиллигига бағишланган мазкур китобда туман иқтисодий-ижтимоий тараққиётининг ўтмишдаги ва ҳозирги тарихи қисман ёритилган.
Бизни ижтимоий тармоқларда кузатинг
Facebook |
Telegram |
Telegram murojaat
