Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ЁШЛАР ПРОКУРОР КУБОГИ УЧУН ГИЛАМГА ТУШДИЛАР
2022-06-22 18:48:09 256
Ўзбек халқ миллий ўйинлари ўзининг узоқ ўтмиши, бой тарихига эга бўлган, аждодлардан авлодларга мерос сифатида ўтиб келаётган, маънавий бойлигимиз, қадриятларимиздан саналаи. Зеро, болалар ва ўсмирларни ҳар томонлама соғлом, жисмонан бақувват, маънан зукко ва топқир бўлиб улғайишларида ҳар битта миллий ўйинимизнинг ўз ўрни бор.
Сўнгги йилларда ёшларимизни соғлом турмуш тарзига тарғиб этиш, уларнинг интеллектуал салоҳияти билан биргаликда жисмонан баркамол бўлиб вояга етишларига хизмат қилувчи қадимий халқ ўйинларини янада ривожлантиришга алоҳида эътибор қаратилмоқда.
Буни туман Болалар ва ўсмирлар спорт мактабида спортнинг миллий кураш тури бўйича бўлиб ўтган “Туман прокурори кубоги” мусобақаси мисолида ҳам кўриш мумкин.
Ёшларнинг бўш вақтларини мазмунли ташкил этиш, улар ўртасида оммавий спортни ривожлантириш мақсадида ташкилланган мусобақада тумандаги маҳаллаларда яшовчи ёшлар вакиллари 10 та вазн тоифасида гиламга тушдилар.
Иброҳим Мўйдинов, Зоҳиджон Собиржонов, Алимардон Рўзаматов, Мубина Абдумажидова, Шаҳноза Маликова каби бир гуруҳ ёшлар ўз вазн тоифаларида ғолибликни қўлга киритишди.
Ғолиб ва совриндорларга ташкилотчилар томонидан диплом, медаль ва эсдалик совғалари топширилди.
Бизни ижтимоий тармоқларда кузатинг
Facebook |
Telegram |
Telegram murojaat
