1. Бош сахифа
2. Янгиликлар

ФИДОЙИ ЁШЛАР ЕТАКЧИСИ АНИҚЛАНДИ

×

Ўзбекистон Республикаси Президентининг 2021 йил 26 мартдаги “Маънавий-маърифий ишлар тизимини тубдан такомиллаштириш чора-тадбирлари тўғрисида”ги ҳамда “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги қарорларининг ижросини таъминлаш, маҳаллаларда ёшларга оид давлат сиёсатини самарадорлигини ташкил этиш, ёшлар етакчиларининг маънавий савияси ва билимларини ошириш, ёшларда Ватанга муҳаббат, халқимизга садоқат туйғуларини тарбиялашни қўллаб-қувватлаш мақсадида "Фидойи ёшлар етакчиси" Республика кўрик- танловининг Олтиариқ туман босқичи бўлиб ўтди.

Кўрик-танловда маҳаллалардаги ёшлар етакчилари “Ёшлар сиёсати билимдони”, “Самарали фаолият”, “Инновацион ижтимоий лойиҳа” ва “Иқтидор ва истеъдод” шартлари бўйича беллашдилар.

Танлов якунига кўра, “Тегирмонбоши” МФЙ ёшлар етакчиси Элёрбек Ҳамролиев фахрли 1-ўринни, “Обод” МФЙ ёшлар етакчиси Муроджон Машрапов 2-ўринни ҳамда “Беруний” МФЙ ёшлар етакчиси Шораҳматилло Мағрипов 3-ўринни эгалладилар.

Танлов ғолиблари ва фаол иштирокчилари диплом ва қимматбаҳо совғалар билан тақдирланди.

Бизни ижтимоий тармоқларда кузатинг
Facebook | Telegram | Telegram murojaat