1. Бош сахифа
2. Янгиликлар

ДЕПУТАТ ХОТИРАСИГА БАҒИШЛАНГАН МУСОБАҚА

×

Бобокалон Абдуллаев 1976 йил 23 декабрда Олтиариқ туманида таваллуд топган эди. У тумандаги 2-умумтаълим мактабини тамомлаб, тадбиркорлик билан шуғулланиб, юртимиз иқтисодиётига муносиб ҳисса қўшди. Айниқса, 2010 йилдан то умрининг охиригача “Иқболжон Ғаффоров” қурилиш-монтаж хусусий фирмаси раҳбари лавозимида меҳнат қилиб, туманнинг янада чирой очиши, кўп қаватли уйларнинг қад ростлашида жонбозлик кўрсатди.

Бобокалон Абдуллаев тадбиркорлик билан бир қаторда мамлакатимиз ижтимоий-сиёсий ҳаётида ҳам фаол иштирок этди. Хусусан, Халқ депутатлари Олтиариқ туман Кенгаши депутати сифатида фаолият ҳам юритиб, сайловчиларнинг муаммоларини ижобий ҳал этиш, уларни ҳаётдан рози қилишга бор куч-имкониятини сафарбар этди. Афсуски, бевақт келган ўлим фидойи инсон, саховатпеша тадбиркор, олийҳиммат депутат Б.Абдуллаевни орамиздан эрта олшиб кетди.

Яхшидан боғ қолади, дейди доно халқимиз. Б.Абдуллаевдан ҳам яхши амаллар, ширин хотиралар қолди. Куни-кеча Зархал маҳалла фуқаролар йиғини ёшлари ўртасидан Халқ депутаталари Олтиариқ туман Кенгаши депутати Бобокалон Абдуллаев хотирасига бағишлаб спортнинг мини футбол тури бўйича хотира турнири ўтказилди.

Турнирни очилиш маросимида Халқ депутатлари туман Кенгаши котибияти мудири Ўткирбек Отабоев, Ўзбекистон Республикаси Президентининг Олтиариқ туманидаги Халқ қабулхонаси мудири Жамшидбек Бозоров, Зарҳал маҳалла фуқаролар йиғини раиси Ҳасанбой Тожиевлар сўзга чиқиб Б.Абдуллаевнинг қисқа умри мобайнида амалга оширган хайрли ишлари, инсоний фазилатлари ҳақида йиғилганларга сўзлаб бердилар.

Турнирда 5 та жамоа – “Зарҳал-1, “Зарҳал-2”, “Зарҳал-3”, “Каттариқ” ҳамда “30 мертли йўл” жамоалари Хотира кубоги учун майдонда тўп сурдилар. Футбол мусобақалари кескин курашларга бой тарзда ўтди. Қувонарлиси шундаки, Зарҳаллик ёшу қари бир мақсад атрофида бирлашишиб марҳум Б.Абдуллаевнинг ёрқин хотирасини ёд этдилар.

Мусобақа якунида 30 мертлик йўл кўчасида истиқомат қилаётган ёшлар фахрли 1-ўринни эгаллашиб, Хотира кубоги, 1-даражали медаллар, махсус диплом, шунингдек, телевизор билан тақдирланган бўлсалар, 2-ўринни эгаллаган “Зарҳал-3” ҳамда 3-ўринни эгаллаган “Зархал-2” жамоалари 2- ва 3-даражали диплом ва эсдалик совғалари билан тақдирландилар.

Бизни ижтимоий тармоқларда кузатинг
Facebook | Telegram | Telegram murojaat