1. Бош сахифа
2. Янгиликлар

ОЛТИАРИҚЛИК БИР ГУРУҲ ТАЛАБАЛАРГА КОНТРАКТ ПУЛИ ТЎЛАБ БЕРИЛДИ

×

Юртимиздаги турли олий таълим муассасаларида таҳсил олаётган бир гуруҳ Олтиариқлик талаба ёшларга тўлов-контракт пулининг маълум фоизи “Ёшлар дафтари” жамғармаси маблағлари ҳисобидан тўлаб берилди.

Бугун туман ҳокимлигида туман ҳокими Ш.Турдалиев ва сектор раҳбарлари иштирокида “Ёшлар дафтари” га киритилган бир гуруҳ талаба ёшларга туман ҳокимлиги ҳамда Ёшлар ишлари агентлиги томонидан контракт пулини тўлаб бериш имтиёзини берувчи махсус сертификатлар топширилди.

Талаба ёшлар, уларнинг ота-оналари ҳамда кенг жамоатчилик вакиллари иштирокида сертификатларни топширишга бағишланган тадбирда сўз олганлар мамлакатимизда ёшлар, хусусан, кам таъминланган, қийин шароитда яшаётган оилалар фарзандлари бўлган талаба ёшларни қўллаб-қувватлаш борасида кенг кўламли ишлар амалга оширилаётганлигини таъкидладилар.

Ёшлар ишлари агентлиги Олтиариқ туман бўлими томонидан 2022 йил давомида маҳаллалардаги ёшлар етакчилари тавсияси асосида “Ёшлар дафтари”га киритилган ёшларга олий таълим муассасалари тўлов контракт суммаси учун жами 245 нафарига, даволаниш учун 1 нафарига, моддий аҳволи қийин ёшларга 3 нафарига, сафарбарлик чақируви резервидаги хизматни ўташ бадалига 3 нафарига, ҳайдовчиликни тайёрлаш ўқув курси харажатларини қоплаш учун 26 нафарига Ёшлар жамғармаси ҳисобидан беғараз ёрдам сифатида субсидия асосида тўловлар тўлаб берилди.

Бизни ижтимоий тармоқларда кузатинг
Facebook | Telegram | Telegram murojaat