1. Бош сахифа
2. Янгиликлар

ХАЙР БОҒЧА, САЛОМ МАКТАБ!

×

Тумандаги барча мактабгача таълим ташкилотларида бўлгани каби Мустақиллик маҳалласи ҳудудида фаолият олиб бораётган якка тартибдаги тадбиркор З.Джалолова раҳбарлигидаги "Детство-2" Оилавий нодавлат мактабгача таълим ташкилотида «Хайр боғча, салом мактаб!» маънавий-маърифий тадбири бўлиб ўтди.

Унда туман ҳокими ўринбосари А.Исломов, туман мактабгача таълим бўлими мудири Х.Апандиева, ота-оналар, маҳалла фаоллари, педагоглар иштирок этди.

Тадбирда мамлакатимизда мактабгача таълим тизимини такомиллаштириш, унинг моддий-техник базасини мустаҳкамлаш, малакали педагог кадрлар билан таъминлаш, таълим-тарбия жараёнига замонавий таълим дастурлари ва технологияларини татбиқ этиш борасидаги ишлар болаларни мактаб таълимига тайёрлаш даражасини тубдан яхшилашга хизмат қилаётгани таъкидланди.

Ҳозирда мазкур таълим муассасасида 25 нафар ўғил-қиз тарбияланмоқда. Шунингдек, муассасада рус, инглиз тиллари, рақс, шахмат-шашка, гимнастика тўгараклари болажонлар вақтини янада мазмунли ўтишини таъминлаётир. Жорий йилда муассасани 5 нафар ўғил-қиз тамомлаб, умумтаълим мактабларининг биринчи синфига қабул қилинади.

“Хайр боғча, салом мактаб!” тадбирида турли викторина ўйинлари, спорт мусобақалари ўтказилиб, ғолиблар рағбатлантирилди. Болалар ижросида Ватанни мадҳ этувчи шеър-қўшиқлар, мақол ва ҳикматли сўзлар, турли саҳна кўринишлари барчага қувонч улашди.

Бизни ижтимоий тармоқларда кузатинг
Facebook | Telegram | Telegram murojaat