1. Бош сахифа
2. Янгиликлар

“ОБОД ҚИШЛОҚ” ДАСТУРИ – АМАЛДА

×

Мамлакатимизда муҳтарам Президентимиз томонидан фуқароларга қулай шарт-шароитлар яратиш, чекка-чекка қишлоғу маҳаллаларни ҳам обод ва фаровон гўшага айлантиришга катта эътибор қаратилмоқда. Бунда давлатимиз раҳбари томонидан қабул қилинган “Обод қишлоқ” дастури муҳим аҳамият касб этмоқда.

Айни пайтда туманимизнинг Қизилтепа ва Бунёдкор МФЙ ҳудудларида “Обод қишлоқ” дастури асосида кенг кўламли қурилиш, ободонлаштириш ишлари бошлаб юборилди. Ҳудудлар қиёфасини тубдан ўзгартираётган “Обод қишлоқ” дастури доирасида бу масканлардаги уйлар таъмирланади, аҳолига маиший хизмат кўрсатиш шохобчалари бунёд этилиб, кўчаларнинг умумий манзарасига ярашмайдиган турар жойлар бугунги меъморчилик талабларига мослаштирилади.

Шу кунларда туман электр таъминоти корхонаси томонидан Қизилтепа ҳудудидаги ёғоч таянчлар бетон таянчларга алмаштирилмоқда. Бундан ташқари, 3 км тармоқ кабели тортиш ва алмаштириш, 2 та трансформаторни алмаштириш ишлари жадалликда олиб борилмоқда.

– Бундай кенг кўламли ислоҳотларнинг амалга оширилиши минглаб юртдошларимиз ҳаётида янги саҳифа очмоқда. Президентимиз раҳнамолигида амалга оширилаётган улкан бунёдкорлик ишлари юртдошларимизнинг ўз ҳаётидан мамнун бўлиб, ўтказаётган ҳар бир кунига шукроналик келтиришга, фарзандларининг бахту иқболини обод ва фаровон масканда кўришга хизмат қилиши билан ҳам аҳамиятлидир, – дейди қизилтепалик нуронийлар биз билан суҳбатда.

Бир сўз билан айтганда, мазкур дастур асосида Қизилтепа ва Бунёдкор МФЙ ҳудудларида кенг кўламли ислоҳотлар олиб борилиб, ҳудудлар янада чирой очишига, фуқароларнинг ҳаётдан рози бўлиб яшашларига эришилади.

Бизни ижтимоий тармоқларда кузатинг
Facebook | Telegram | Telegram murojaat