1. Бош сахифа
2. Янгиликлар

ОЛТИАРИҚЛИК ПИЛЛАКОРЛАР 139 ТОННА САНОАТ ХОМ АШЁСИНИ ЕТИШТИРИШНИ РЕЖАЛАШТИРГАН

×

Айни кунларда туманимизда саноатнинг пилла ҳосилини сифатли йиғиб олиш олишлари жадаллик билан олиб борилмоқда.

«Олтиариқ агропилла» МЧЖ раҳбари Алишер Ҳошимовнинг маълум қилишича, жорий йилда туманда 139 тонна пилла ҳосили етиштириш кўзда тутилган. Айни жараёнда 14 та инкубаторийда 2430 қути ипак қурти уруғи сифатли жонлантирилиб, тўлиқ маҳаллий уруғ бўлишига эришилди. Озуқа базасини таъминлаш мақсадида 108 гектар янги тут плантацияси ташкил этилди. Бу саъй-ҳаракатлар натижаси ўлароқ шу кунларда баракали ҳосил йиғиштириб олиняпти.

Туманнинг Бўстон маҳалла фуқаролар йиғинида истиқамат қилувчи Ҳалима Пиримқулова ва Дилоромхон Тўйчиевалар ёшликларидан оилаларида ипак қурти парваришлаб катта бўлганлар. Бу бўйича катта авлод вакилларидан етарлича тажриба ва маҳоратни ўрганганлар. Улар ҳар йили ўз хондонларида ипак қурти парваришлаб, юртимиз тараққиётига муносиб ҳисса қўшиб келадилар. Бу йил ҳам ҳудуддаги “Йигитали Асқарали Акмал файз” фермер хўжалигидан 2 қутидан ипак қурти олиб парваришладилар. Натижада баракали ҳосил кўтарилди. Белгиланган режа ортиғи билан бажарилиб, сифатли пиллалар давлат хирмонига етказиб берилди.

Бугун пиллакорларнинг заҳматли меҳнатлари эвазига етиштирилган баракали ҳосилларни йиғиб олишда туман ҳокими ўринбосари – оила ва хотин-қизлар бўлими бошлиғи вазифасини бажарувчи Хилолахон Атажонова ҳам иштирок этиб, элу юртимиз ривожига ҳисса қўшаётган хотин-қизларнинг меҳнатларини алоҳида эътироф этди.

Бизни ижтимоий тармоқларда кузатинг
Facebook | Telegram | Telegram murojaat