1. Бош сахифа
2. Янгиликлар

ОЛТИАРИҚДА “АДЛИЯ САЙЛИ” БЎЛИБ ЎТДИ

×

Туман Маданият марказида туман адлия бўлими томонидан “Инсон қадрини улуғлаш-энг олий саодат” шиори остида “Адлия сайли” тадбири ташкил этилди. 

Унда туман даражасидаги барча давлат органлари ва ташкилотлари мутахассислари томонидан фуқароларнинг муаммоларини эшитиш ва уларни ҳал этиш бўйича тегишли ҳуқуқий-амалий ёрдам кўрсатилди. Сайёр давлат хизматлари, нотариал ҳаракатлар ва ФҲДЁ ҳаракатларини амалга ошириш, оилавий низолар ва ажримлар, ишсизлик ва жиноятчиликни олдини олиш каби кўплаб масалаларга эътибор қаратилди.

Аҳолини ҳуқуқий онги ва маданиятини юксалтиришга, уларга қабул қилинаётган қонунлар ва уларга киритилаётган ўзгартиш ва қўшимчалар ҳақида оддий тилда тушунтиришлар бериш мақсадида ҳар бир давлат ва нодавлат ташкилотлари томонидан кўргазмали тарғибот материаллари билан жиҳозланган «Ҳуқуқий ахборот бурчаклари» ташкил этилди. Адлия вазирлиги томонидан оила, уй-жой, ер, солиқ, банк, тадбиркорликка оид, меҳнат, ижтимоий таъминот ва ижтимоий ҳимоя, таълим, истеъмолчиларнинг ҳуқуқлари ва бошқа ҳаётий муҳим масалалар бўйича тайёрланган юзлаб ҳуқуқий қўлланмалар тарқатилди.

“Аёллар дафтари” ва “Ёшлар дафтарига” киритилган фуқароларнинг мурожаатлари назоратга олинди. Бундан ташқари, ёшлар ва имконияти чекланган шахсларга қонунчиликда берилган имтиёзлар, меҳнат муносабатлари, тадбиркорлик фаолиятини амалга ошириш учун кредит олиш билан боғлиқ масалаларга ҳам ойдинлик киритилди.

Бизни ижтимоий тармоқларда кузатинг
Facebook | Telegram | Telegram murojaat