Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
КЕКСАЛАР ҲОЛИДАН ХАБАР ОЛИНМОҚДА
2022-05-03 10:45:13 246
Давлатимиз раҳбари томонидан жорий йил 29 апрель куни эҳтиёжманд аҳолининг ижтимоий ҳимоясини янада кучайтириш чора-тадбирлари юзасидан ўтказилган видеоселектор йиғилишида эътиборга муҳтож аҳоли қатламига ғамхўрлик кўрсатиш бўйича янги тизим яратилаётгани уларнинг ҳолидан доимий равишда хабар олиш бўйича кўрсатмалар берилган эди.
Мазкур йиғилишда берилган топшириқлар ижросини таъминлаш мақсадида Рамазон ҳайити нишонланаётган шу кунларда вилоят ҳамда туман ҳокимлиги томонидан тумандаги бир гуруҳ кексалар, боқувчисини йўқотган оилалар, ногиронлиги бўлган эҳтиёжмандлар ҳолидан хабар олинмоқда. Уларга озиқ-овқат маҳсулотлари тарқатилиб, байрам билан қутланмоқда.
– Рамазон ойи – меҳр-оқибат ва бағрикенглик ойидир. Савоб ишни ҳар ким ҳар куни қилиши керак. Зеро, ўзаро ҳурмат, меҳр-оқибат, хайр-саховат ва шукроналик туйғулари халқимизнинг маънавий ҳаёти, миллий қадрияти сифатида анъаналаримизнинг ажралмас қисми бўлиб келган. Инсонийлик фазилатларининг энг эзгуси ҳам одамларга яхшилик улашишдир, – дейди туман прокурори, 2-сектор раҳбари Рустамжон Тиллаев.
Муборак ҳайит кунлари бу каби хайр-саховат тадбирлари давом этмоқда.
Олтиариқ тумани ҳокимлиги Ахборот хизмати.
Бизни ижтимоий тармоқларда кузатинг
Facebook |
Telegram |
Telegram murojaat
