1. Бош сахифа
2. Янгиликлар

ОЛТИАРИҚЛИКЛАР ҲАМ ҲАЙИТ НАМОЗИНИ АДО ЭТДИЛАР

×

2 май куни эрта тонгда Ўзбекистон масжидларида Рамазон ҳайити муносабати билан байрам намози ўқилди. Жумладан, Олтиариқдаги жоъме масжидларда ҳам Ҳайит намози адо этилди.

Намозхонларга қулайлик яратиш мақсадида барча зарур ишлар амалга оширилди. Масжидларга туташ кўчалар вақтинча ёпилиб, намозхонлар учун жой ажратилди. Ички ишлар, соғлиқни сақлаш ва бошқа мутасадди идоралар вакиллари навбатчилиги ташкил этилди.

Айём арафасида байрамни муносиб кутиб олишга ўзига хос тараддуд кўрилди. Аҳоли яшаш жойлари, кўчалар, хиёбонлар, масжидлар, муқаддас қадамжолар, қабристонлар ҳамда уларнинг атрофи тартибга келтирилиб, ободонлаштириш ишлари амалга оширилди.

Албатта, бундай хайрли амаллар халқимиз ўртасида меҳр-оқибат ришталари ҳамда тинчлик-тотувлик, ўзаро ҳамжиҳатлик муҳитининг мустаҳкамланишига хизмат қилади.

Олтиариқ тумани ҳокимлиги Ахборот хизмати.

Бизни ижтимоий тармоқларда кузатинг
Facebook | Telegram | Telegram murojaat