1. Бош сахифа
2. Янгиликлар

БАЙРАМ ТАБРИГИ

×

Олтиариқ тумани ҳокими Холмирза Ниёзовнинг "Маҳалла тизими ходимлари куни" муносабати билан 

БАЙРАМ ТАБРИГИ

Ассалому алайкум, қадрли маҳалла тизими ходимлари!

Президентимизнинг ташаббуслари билан 22 март санасининг «Маҳалла тизими ходимлари куни» деб эълон қилиниши Сизларга бўлган юксак эътибор ва эътирофнинг ёрқин кўринишидир.

Маҳалла тизими ходимлари кунини Юртбошимиз бежиз Наврўз - яшариш ва янгиланиш байрами арафасида нишонланишини таклиф этмадилар. Чунки халқимизга хос бўлган азалий ва қадим урф-одатлар, она заминнинг уйғониши, инсонларга ризқ улашувчи сахий деҳқонларимизнинг ерга уруғ қадаши билан боғлиқ табаррук анъаналаримиз бевосита маҳаллада ва ундаги оилаларда намоён бўлади.

Халқ давлат идораларига эмас, давлат идоралари халқимизга хизмат қилиши керак, деган эзгу тамойил бугун барча даражадаги идора ва ташкилотлар учун дастуруламалга айланди. Халқимизни жипслаштирадиган маскан эса маҳалладир. Шунинг учун Президентимиз ҳудудларга ташрифи давомида бевосита маҳаллаларга бориб, аҳоли билан учрашиб, ислоҳотлар самараси бу ерда ўз аксини топиши, ҳар бир ишнинг натижаси, мезони маҳалладаги одамларнинг розилиги эканига алоҳида урғу бермоқда.

Бу борадаги ишларни амалга оширишда фаоллик кўрсатаётган барча маҳалла фуқаролар йиғинлари ходимларини касб байрамлари ва Наврўз айёмлари билан яна бир бор табриклайман! 

Сизларга ҳамиша баҳорий кайфият, мустаҳкам соғлик, соҳада олиб бораётган ишларингизда муваффақиятлар тилайман!

Байрамингиз муборак бўлсин!

Холмирза Ниёзов,

Олтиариқ тумани ҳокими

Бизни ижтимоий тармоқларда кузатинг
Facebook | Telegram | Telegram murojaat