1. Бош сахифа
2. Янгиликлар

ДЕҲҚОН ХЎЖАЛИГИ ЮРИТИШЛАРИ УЧУН ЁШЛАРГА ЕР МАЙДОНЛАРИ АЖРАТИЛМОҚДА

×

Ўзбекистон Республикаси Президентининг “Ёшларга ер ажратиш орқали уларнинг даромадларини ошириш ва бандлиги таъминлаш, шунингдек, янги ер майдонларини ўзлаштириш чора-тадбирлари тўғрисида”ги қарори ижросини таъминлаш, ёшларнинг деҳқончилик билан шуғулланишлари, даромад манбаларини яратишларига кўмаклашиш учун ер майдонлари ажратиш белгиланган.

Бугун Олтиариқ туманидаги Оқбўйра ва Қахрамон МФЙларда яшовчи бир гуруҳ ёшларга деҳқон хўжалиги ташкил қилишлари учун ерлар "маҳалла еттилиги" тавсияси асосида ажратиб берилди.

Туман ҳокими Шамсиддин Турдалиев, сектор раҳбарлари ва бир гуруҳ мутасаддилар томонидан мазкур ер майдонлари ўз эгаларига топширилди.

Ажратилган ерларда ҳаридоргир, экспортбоп экинлар етиштириш ва уларни сотишга кўмаклашиш мақсадида кооперация ва кластерларга бириктириш, зарурий уруғлик, минерал ўғит ва ёқилғи маҳсулотлари билан таъминлаш бўйича масъулларга кўрсатмалар берилди.

Олтиариқ туман ҳокимлиги ахборот хизмати.